വാട്സ് ആപ് ടിപ്സുകൾ

ടൈം സ്നാപ് ഒഴിവാക്കാൻ

 അവസാനാമായി വാട്സ് ആപ് ഉപയോഗിച്ച സമയം മറ്റുള്ളവർ അറിയുന്നത് എല്ലായിപ്പോഴും ഗുണം ചെയ്യില്ല. അവസാനം ലോഗിണ്‍ ചെയ്ത സമയം കാണിക്കുന്ന 'ടൈം സ്നാപ് 'എങ്ങനെ വാട്സ് ആപ്പിൽ ഒഴിവാക്കും ?

ആപ്പിൾ ഫോണ്‍ ആണ് ഉപയോഗിക്കുന്നതെങ്കിൽ താഴെ കൊടുത്തിരിക്കുന്നതു പോലെ ചെയ്താൽ ടൈം സ്നാപ് ഒഴിവാക്കാം.

Settings > Chat Settings > Advanced ൽ  എത്തിച്ചേരുക തുടർന്ന്  Last Seen Timestamps എന്നത് Off. എന്നാക്കി മാറ്റുക

android ഫോണുകളിൽ സെറ്റിംഗ്സിൽ ടൈം സ്നാപ് ഓഫ്‌ ചെയ്യാൻ സൌകര്യമില്ല . എങ്കിലും  Hide WhatsApp Status എന്ന അപ്ലിക്കേഷൻ ഉപയോഗിച്ച് ഓഫ്‌ ചെയ്യാവുന്നതാണ്.




വാട്സ് ആപ് ചാറ്റ് സൂക്ഷിച്ചു വെക്കാൻ ( ബാക്കപ്പ്)

ഫോണ്‍ മാറ്റി മറ്റൊരെണ്ണം ഉപയോഗിക്കേണ്ടി വരുമ്പോഴോ , ഫോണ്‍ കേടു വരുമ്പോഴോ വാട്സ് ആപിലെ  ചാറ്റുകൾ നഷ്ടപെട്ടു പോവാൻ സാധ്യത ഉണ്ട്. ചിലപ്പോ വിലപെട്ട ഫയലുകളും മറ്റും ഷെയർ ചെയ്തിട്ടു ഉണ്ടെങ്കിൽ തിരിച്ചു കിട്ടാൻ വിഷമം ആയിരിക്കും , ഈ അവസരത്തിൽ വാട്സ് ആപ് ചാറ്റുകൾ ബാക്കപ്പ് ചെയ്തു വെച്ചാൽ പിന്നീട് തിരിച്ചെടുക്കാൻ എളുപ്പമുണ്ട്.


ഇതിനായി  Settings > Chat Settings > Chat Backup ഇവിടെ എത്തിച്ചേരുക , തുടർന്ന്  Back Up Now എന്നതിൽ ക്ലിക്ക് ചെയ്യുക.

( ശ്രദ്ധിക്കുക: ചാറ്റ് മാത്രമേ സൂക്ഷിക്കുകയുള്ളൂ , ഷെയർ ചെയ്യുന്ന ഫോട്ടോസ് , പാട്ടുകൾ , തുടങ്ങിയവ /sdcard/WhatsApp/Media. എന്ന സ്ഥലത്ത് കാണും, ഫോണ്‍ കമ്പ്യൂട്ടറുമായി ബന്ധിപ്പിച്ചു ഈ ഫോൾഡർ കോപ്പി ചെയ്തു  ഫയലുകളും സൂക്ഷിക്കാം)


വാട്ട്‌സ് ആപ്പ് പാസ് വേർഡ്‌ വെച്ചു എങ്ങനെ ലോക്ക് ചെയ്യാം

ഇതിനായി നിരവധി ആപ്പസ് ഗൂഗിൾ പ്ലേ സ്റൊരിൽ ലഭ്യമാണ്, എങ്കിലും WhatsApp Lock എന്ന സോഫ്റ്റ്‌വെയർ android ഫോണിലും Lock for WhatsApp ബ്ലാക്ക്‌ ബറി ഫോണുകളിലും ഉചിതമാണ്.

ഈ സോഫ്റ്റ്‌വെയർ ഇൻസ്റ്റോൾ ചെയ്തു കഴിഞ്ഞാൽ പാസ്സ്‌വേർഡ്‌ സെറ്റ് ചെയ്യാൻ ആവാശ്യപ്പെടും, പിന്നീട് ഫോണിളുള്ള മറ്റു  ആപ്പ്ലിക്കെഷൻസ് ലിസ്റ്റ് ചെയ്തു കാണിക്കും. ഇതിനു നേരെ ഒരിക്കൽ ടിക്ക് ചെയ്‌താൽ പിന്നീട് ആ ആപ്പ്ലിക്കെഷൻസ് തുറക്കുംപോഴൊക്കെ പാസ്സ്‌വേർഡ്‌ ചോദിക്കും

മറ്റാരെങ്കിലും ഈ  സോഫ്റ്റ്‌വെയർ  ഒഴിവാക്കതിരിക്കാനും ഇതിൽ സൌകര്യമുണ്ട് (Messenger lock config> Privent Uninstallation എന്ന് ക്ലിക്ക് ചെയ്‌താൽ മതി )

കോണ്ടക്ട്സ് ഷോര്ട്ട് കട്ട്‌

സ്ഥിരമായി ചാറ്റ് ചെയ്യുന്നവരെ / ഗ്രൂപ്പ്‌  വളരെ എളുപ്പത്തിൽ ലഭിക്കുവാൻ ഷോര്ട്ട് കട്ട്‌ ഉപയോഗിക്കാം ,

ഇതിനായി Android ഫോണുകളിൽ വാട്സ് ആപ്പിൽ  നിന്നും വ്യക്തിയുടെ/ ഗ്രൂപ്പിന്റെ മുകളിൽ വിരൽ അമർത്തി പിടിക്കുമ്പോൾ തുറന്നു വരുന്ന ജാലകത്തിൽ നിന്നും Add conversation shortcut എന്ന് സെലക്ട്‌ ചെയ്യുക.

ആപ്പിൾ ഫോണുകളിൽ ഈ സൗകര്യം ലഭിക്കണമെങ്കിൽ 1TapWA എന്നാ സോഫ്റ്റ്‌വെയർ ഉപയോഗിക്കേണ്ടി വരും (ഇവിടെ ക്ലിക്ക് ചെയ്തു ഐ റ്റൂണിൽ നിന്നും ഡൌണ്‍ലോഡ് ചെയ്യവുന്നതാണ് )



വാട്സ് ആപ് ചിത്രങ്ങൾ ഗ്യാലറിയിലും ക്യാമറ റോളിലും വരുന്നത് തടയാൻ

നെറ്റ് ഓണ്‍ ആയിരിക്കുമ്പോൾ നമ്മൾ അറിയാതെ തന്നെ ഗ്രൂപ്പിൽ നിന്നും മറ്റുമൊക്കെ ചിത്രങ്ങൾ തനിയെ ഡൌണ്‍ലോഡ് ആവാറുണ്ട്, അശ്ലീലത ചിത്രങ്ങളും ആവശ്യമില്ലാത്ത ചിത്രങ്ങളും മറ്റും ഇങ്ങനെ ഗ്യാലറിയിലും മറ്റും കടന്നു വരുന്നത് ശല്യം തന്നെ, ഇതൊഴിവാാക്കാനായി  ആപ്പിൾ ഫോണുകളിൽ Settings > Privacy > Photos ൽ വാട്സ് ആപ്പ് ഓഫ്‌ ചെയ്യുക ( ചിത്രം കൊടുത്തിട്ടുണ്ട്‌ )


Android  ഫോണുകളിൽ ES File Explorer എന്ന സോഫ്റ്റ്‌വെയർ ഡൌണ്‍ലോഡ് ചെയ്യുക , അതിനായി ഇവിടെ ക്ലിക്ക് ചെയ്യുക , തുടർന്ന് വാട്സ് ആപ് മീഡിയ ഫോൾഡറിൽ  ( Gallery> WhatsApp images)  .nomedia എന്ന ഒരു ഫയൽ നിര്മിക്കുക.


വാട്സ് ആപ് നമ്പർ മാറ്റാൻ 

 Settings > Account > Change number എന്ന സ്ഥലത്ത് പുതിയ നമ്പരും പഴയ നമ്പരും കൊടുത്താൽ മതി

Continue Reading…

വാട്സ് ആപ്പ് contacts ഡൌണ്‍ലോഡ് ചെയ്യാം

ഇന്നത്തെ പോസ്റ്റ്‌ രണ്ടു ഭാഗങ്ങളിലായിട്ടാണ്  വിശദീകരിക്കുന്നത്

ഒന്നാം ഭാഗത്തിൽ വാട്സ് ആപ്പ് കമ്പ്യൂട്ടറിലൂടെ ലഭ്യമാക്കുന്നതും രണ്ടാം ഭാഗത്തിൽ വാട്സ് ആപ്പ് contacts ഡൌണ്‍ലോഡ് ചെയ്യുന്നതും ആണ് വിശദീകരിക്കുന്നത്. (ഭാഗം 1 ൻറെ തുടർച്ചയാണ് ഭാഗം 2 )

ഭാഗം1- വാട്സ് ആപ്പ് കമ്പ്യൂട്ടറിലൂടെ ലഭ്യമാക്കുവാൻ

മൊബൈൽ ഫോണിൽ മാത്രം ഒതുങ്ങിയിരുന്ന വാട്സ് ആപ്പ് സേവനങ്ങൾ ഇപ്പോൾ കമ്പ്യൂട്ടറിലൂടെ ലഭ്യമാണ് എന്നറിയുന്നവർ വളരെ വിരളമാണ്. 

കമ്പ്യൂട്ടറിലൂടെ വാട്സ് ആപ്പ് ഉപയോഗിക്കുമ്പോൾ ലഭിക്കുന്ന ഗുണങ്ങൾ താഴെ നിരത്തുന്നു .

1. കമ്പ്യൂട്ടറിലുള്ള വലിപ്പമേറിയ ഫയലുകൾ ഫോണിൽ ലോഡ് ചെയ്യാതെ തന്നെ നേരിട്ട് സുഹൃത്തുക്കളുമായി ഷെയർ ചെയ്യാൻ സാധിക്കുന്നു. അത് പോലെ തന്നെ വലിപ്പമേറിയ ഫയലുകൾ കമ്പ്യൂട്ടറിലൂടെ സ്വീകരിക്കുന്നതിലൂടെ ഫോണ്‍ ജാം ആവുന്നതും കൂടുതൽ മെമ്മറി അനാവശ്യമായി നഷ്ടപെടുന്നതും തടയുന്നു 
2.  കമ്പ്യൂട്ടറിൽ വർക്ക്‌ ചെയ്യുമ്പോൾ ഇടയ്ക്കിടെ ഫോണ്‍ തുറന്നു നോക്കി വാട്സ് ആപ്പിലൂടെ ചാറ്റ് ചെയ്യേണ്ടി വരുന്നതിലെ അസൌകര്യം ഒഴിവാക്കാം .

ഏതൊരു കാര്യത്തിനും ഒരു മറു വശം ഉണ്ടാവുമല്ലോ. കമ്പ്യൂട്ടറിലൂടെ വാട്സ് ആപ്പ് ഉപയോഗിക്കുമ്പോൾ ഉള്ള അസൌകര്യം  താഴെ കൊടുക്കുന്നു.

1.  ഒരേ സമയം കമ്പ്യൂട്ടറിലും ഫോണിലും നെറ്റ് കണക്ഷൻ ആവശ്യമാണ്‌.

ഇനി നമുക്ക് വിഷയത്തിലേക്ക് കടക്കാം , വാട്സ് ആപ്പ് കമ്പ്യൂട്ടറിലൂടെ ലഭ്യമാക്കുന്നതിനു ആവശ്യമായ  കാര്യങ്ങൾ താഴെ കൊടുക്കുന്നു.

( ആവശ്യമെങ്കിൽ മുകളിൽ  കൊടുത്തിരിക്കുന്ന വീഡിയോ കാണുക )

1.  ആദ്യമായി https://web.whatsapp.com/ എന്ന സൈറ്റിൽ എത്തിച്ചേരുക.
2. QR കോഡ് ഫോണ്‍ ഉപയോഗിച്ചു സ്കാൻ ചെയ്യുക. ഇപ്പോൾ നിങ്ങളുടെ കമ്പ്യൂട്ടറിൽ വാട്സ് ആപ്പ് കാണാം .

ഭാഗം2- വാട്സ് ആപ്പ് contacts ഡൌണ്‍ലോഡ് ചെയ്യാൻ

വാട്സ് ആപ്പ് contacts ഡൌണ്‍ലോഡ് ചെയ്യുത്തിലുള്ള ഗുണങ്ങൾ താഴെ വിവരിക്കുന്നു.

1. contacts ബാക്ക് അപ്പ്‌ ചെയുതു വെക്കാം. ഏതെങ്കിലും കാരണവശാൽ ഫോണ്‍ കേടുവരുകയോ , നഷ്ടപെടുകയോ ചെയ്താൽ, ഉപകരിക്കും.
2. ജിമെയിൽ കോണ്ടക്ട്സ് , ലിങ്കെടിൻ , മൈക്രോസോഫ്ട്‌ ഔട്ട്‌ ലുക്ക്‌ തുടങ്ങിയ അഡ്രസ്‌ ബുക്കിലേക്ക് അപ്‌ലോഡ്‌ ചെയ്യാം 

വാട്സ് ആപ്പ് contacts ഡൌണ്‍ലോഡ് ചെയ്യാൻ  താഴെ പറയുന്ന പോലെ ചെയ്യാവുന്നതാണ് 

1.  ആദ്യമായി താഴെ കാണുന്ന ലിങ്ക് ബുക്ക്‌ മാർക്ക് ലേക്ക് ഡ്രാഗ് ചെയ്യുക.
Download Whats app- Live Malayalam Tips
2. തുടർന്ന് ഭാഗം ഒന്നിൽ വിശദീകരിച്ച തു പോലെ കമ്പ്യൂട്ടറിൽ വാട്സ് ആപ്പ് തുറക്കുക.
3. ബുക്ക്‌ മാര്ക്ക് ചെയ്തു വെച്ച ലിങ്കിൽ ക്ലിക്ക് ചെയ്യുക.
4. തുടർന്ന് വരുന്ന ബോക്സിൽ ഓക്കേ പ്രസ്‌ ചെയ്യുമ്പോൾ ഫോട്ടോ അടങ്ങിയ ലിസ്റ്റും ക്യാൻസൽ കൊടുക്കുമ്പോൾ csv ഫയലും ഡൌണ്‍ലോഡ് ചെയ്യാം.

Continue Reading…

വാട്സ് ആപ്പ് കോളിംഗ് ലഭ്യമായി തുടങ്ങി !

പരസ്പരം ക്ഷണിക്കപെട്ടവർക്ക് മാത്രം ലഭ്യമായിരുന്ന വാട്സ് ആപ്പ് കോളിംഗ് ഇനി അപ്ഡേറ്റ് ചെയ്തു പുതിയ വെർഷൻ ഇൻസ്റ്റോൾ ചെയ്യുന്നവർക്ക് പരസ്പരം    തികച്ചും സൌജന്യമായി സംസാരിക്കാം . നിലവിൽ ആൻഡ്രോയിഡ് ഫോണുകളിൽ മാത്രമായി ഈ സൗകര്യം പരിമിതപ്പെടുത്തിയിട്ടുണ്ട്.


ആൻഡ്രോയിഡ് ഫോണുകളിൽ താഴെ പറയുന്ന സ്റ്റെപ്പ്സ് ചെയ്തു കഴിഞ്ഞാൽ വാട്സ് ആപ്പ് കോളിംഗ് ഉപയോഗിക്കാവുന്നതാണ്.



1. ഏറ്റവും പുതിയ വാട്സ് ആപ്പ് വെർഷൻ ഇൻസ്റ്റോൾ ചെയ്യുക ( അതിനായി ഇവിടെ ക്ലിക്ക് ചെയ്യുക ), പുതിയ വാട്സ് ആപ്പ് വെർഷൻ 2.12.7 ആണ് . പക്ഷെ ഗൂഗിൾ പ്ലേ സ്റ്റോറിൽ നിന്നും ഇൻസ്റ്റോൾ ചെയ്യണമെങ്കിൽ നിലവിലെ വെർഷൻ 2.11.561 ആയിരിക്കണം. പഴയ വേർഷൻ ഉപയോഗിച്ചുകൊണ്ട് ഈ  സൗകര്യം എല്ലാ ഫോണുകളിലും ലഭ്യമല്ല.

2. പുതിയ വെർഷൻ ഇൻസ്റ്റോൾ ചെയ്തു കഴിഞ്ഞാൽ താങ്കളുടെ സുഹൃത്തിനോട് വാട്സ് ആപ്പ് വഴി വിളിക്കുവാൻ ആവശ്യപ്പെടുക. (  സുഹൃത്തും ഏറ്റവും പുതിയ വാട്സ് ആപ്പ് വെർഷൻ ഇൻസ്റ്റോൾ ചെയ്തിരിക്കണം)

3. ആദ്യത്തെ തവണ കാൾ അറ്റൻഡ് ചെയ്തു കഴിഞ്ഞു ഏതാനും നിമിഷങ്ങൾ കാൾ കട്ട്‌ ചെയ്യാതെ കാത്തിരിക്കണം. എങ്കിൽ മാത്രമേ വാട്സ് ആപ്പ് കോളിംഗ് ആക്റ്റീവ് ആവുകയുള്ളൂ.

4.  വാട്സ് ആപ്പ് കോളിംഗ് ആക്റ്റീവ് ആയി കഴിഞ്ഞാൽ ഫോണിൽ മൂന്നു ടാബുകൾ കാണാം

1. കാൾ  ടാബ് - സ്വീകരിച്ച കാൾ , വിളിച്ച കാൾ , മിസ്സ്‌ കാൾ എന്നിവ കാണിക്കുന്നു.
2.ചാറ്റ് ടാബ്- ചാറ്റ് ഗ്രൂപ്പ്‌ , ചാറ്റ് ചെയ്തവരുടെ ലിസ്റ്റ് എന്നിവ കാണിക്കുന്നു.
3.CONTACTS  ടാബ്  -  വാട്സ് ആപ്പ് ഉപയോഗിക്കുന്ന സുഹൃത്തുക്കളുടെ ലിസ്റ്റ് കാണിക്കുന്നു

( ഇതിൽ ചാറ്റ് ടാബ്, CONTACTS  ടാബ് എന്നിവ നിലവിൽ പഴയ വെർഷനിൽ  ലഭ്യമാണ് )

Continue Reading…

ഗൂഗിൾ സെർച്ച്‌ ടിപ്സ് : വായന നിലവാരം സെറ്റ് ചെയ്യാം

    

            

 ലോകത്തെ ഏറ്റവും വലിയ സെർച്ച്‌ എഞ്ചിൻ ആയ ഗൂഗിൾ തങ്ങളുടെ ഗൂഗിൾ സെർച്ചിൽ ഉൾപെടുത്തിയ പുതിയ ഒരു മാറ്റത്തെ കുറിച്ചാണ് ഈ പോസ്റ്റ്‌ . Reading Level എന്ന ഒപ്ഷനിലൂടെ ഇനി വായന നിലവാരം സെറ്റ് ചെയ്യാൻ സാധിക്കും .

ഉദാഹരണത്തിന് ഒരു സ്കൂൾ വിദ്യാർഥിയെ സംബന്ധിച്ചിടത്തോളം ഒരു പ്രൊജക്റ്റ്‌ ചെയ്യുവാൻ ഗൂഗിൾ സെർച്ച്‌ ഉപയോഗിക്കുമ്പോൾ വളരെ ആഴത്തിലുള്ള അറിവ് ആവശ്യമില്ല.  എന്നാൽ ഒരു അധ്യാപകനോ മുതിർന്ന ക്ലാസ്സിൽ പഠിക്കുന്ന വിദ്യാർഥിക്കോ അതുമല്ലെങ്കിൽ ഒരു പത്ര പ്രവർത്തകനോ വളരെ ആഴത്തിലുള്ള അറിവ് അത്യാവശ്യവും ആയിരിക്കും.  ഇത്തരം സന്ദർഭങ്ങളിൽ സെർച്ച്‌ ഫലത്തിൽ ആഴത്തിലുള്ള അറിവുകൾ  ഉള്ള സൈറ്റുകൾ മാത്രം കാണിക്കുന്നത് അധ്യാപകനും കുറഞ്ഞ അറിവുകൾ  മാത്രം കാണിക്കുന്നത് വിദ്യാർഥിക്കും സൗകര്യപ്രധമായിരിക്കും.


 Reading Level എന്ന ഒപ്ഷനിലൂടെ ഇത്തരത്തിൽ വായന നിലവാരം സെറ്റ് ചെയ്യാം. ഇതിനായിട്ട് ആദ്യം ഗൂഗിൾ.കോം എന്ന സൈറ്റിൽ ആവശ്യമായ കീ വേർഡ്‌ നല്കുക , ഉദാ : India എന്നിട്ട് സെർച്ച്‌ ബട്ടണ്‍ അമർത്തുക , ശേഷം Search Tools എന്ന ഓപ്ഷൻ സെലക്ട് ചെയ്യുക ( ചിത്രം നോക്കുക )




തുടർന്ന് All Result എന്ന ഓപ്ഷനിൽ നിന്നും Reading Level സെലക്ട്‌ ചെയ്യുക. (താഴെ ചിത്രം കൊടുത്തിട്ടുണ്ട്‌)






ഇപ്പോൾ മൂന്നു നിലവാരങ്ങളിൽ ആയി റിസൾട്ട്‌ തരം തിരിക്കാം

1. Basic ( അടിസ്ഥാന നിലവാരം)
2. Intermediate ( ഉയർന്ന നിലവാരം )
3. Advanced  (വളരെ ഉയർന്ന നിലവാരം)

ചിത്രം നോക്കുക





ഇനി ഓരോ നിലവാരത്തിലും ക്ലിക്ക് ചെയ്തു സെർച്ച്‌ ഫലം തരം തിരിക്കാം , ഉദാഹരണത്തിന് Basic എന്നതിൽ ക്ലിക്ക് ചെയ്യുമ്പോൾ അടിസ്ഥാന നിലവാരത്തിൽ ഉള്ള സെർച്ച്‌ ഫലം മാത്രം ലഭിക്കുന്നു.



ഇനി ഇന്ത്യ എന്ന് മാറ്റി നിങ്ങളുടെ ബ്ലോഗ്‌ അഡ്രസ്‌ നല്കി നോക്കൂ ( കൂടെ site : എന്നും ചേർക്കണം- താഴത്തെ ചിത്രം നോക്കുക  ) ... നിങ്ങളുടെ ബ്ലോഗ് പേജുകളും ഇത്തരത്തിൽ തരം തിരിച്ചു കാണാം ( NB : മലയാളം അടക്കമുള്ള ചില ഭാഷകളിൽ ഈ സൗകര്യം പൂര്ണമായി ലഭ്യമായി തുടങ്ങിയിട്ടില്ല)

Continue Reading…

ഒരു ബൂലോക നിവാസിയുടെ ഗർ വാപസി!

 പ്രിയപ്പെട്ട ബൂലോകം നിവാസികളെ...

തിരക്കുകളിൽ പെട്ടു ബൂലോകത്തിൽ നിന്നും മാറി നിൽകേണ്ടി വന്ന ഒരു പാവം ബൂലോക നിവാസി വീണ്ടും ഈ ബ്ലോഗിലൂടെ ബൂലോകരോടൊപ്പം ചേർന്ന് നില്ക്കാൻ ആഗ്രഹിക്കുന്നു ..

എനിക്കറിയാവുന്ന അൽപം സാങ്കേതിക വിവരം ഈ ബ്ലോഗിലൂടെ പങ്കു വെക്കുകയും... കൂടെ നിങ്ങളിൽ നിന്ന് കൂടുതൽ അറിയാനും   ...

നിങ്ങളുടെ വിലയേറിയ സഹകരണങ്ങളും അഭിപ്രയാങ്ങളും പ്രതീക്ഷിക്കുന്നു



എന്ന്


സാബിത് . കെ . പി
ഒരു പഴഞ്ചൻ സാങ്കേതിക ബ്ലോഗ്ഗർ

Continue Reading…

ജിമെയില്‍ അപ്ഡേറ്റ് : buzz (ബ്ലോഗ്ഗെര്‍മാര്‍ക്കു നല്ലകാലം)

ഇന്ത്യയിലും ബ്രസീലിലും മാത്രം ഒതുങ്ങുന്ന ഓര്‍ക്കുട്ട് സോഷ്യല്‍ നെറ്റ്‌വര്‍ക്ക് മറ്റൊരു രൂപത്തില്‍ വ്യാപിപ്പിക്കാന്‍ വേണ്ടിയാണോ അതോ ഓര്‍ക്കുട്ടില്‍ കയറുന്നത് തന്റെ 'വ്യക്തിതത്തിനു' കോട്ടം സംഭവിക്കുമെന്ന് വിശ്വസിക്കുന്ന ചില അപൂര്‍വ ജന്മങ്ങളെ കൂടി കുപ്പിയിലാക്കാനാണോ എന്നറിയില്ല, ഏതായാലും ഗൂഗിള്‍ തങ്ങളുടെ മെയില്‍ സേവനമായ ജിമെയില്‍ അത്തരത്തിലൊരു സംഗതികൊണ്ട് പരിഷ്കരിച്ചിരിക്കുന്നു, ലതാണ് ജിമെയില്‍ buzz. ജിമെയില്‍ അക്കൌണ്ടില്‍ വലതു ഭാഗത്ത്‌ കാണുന്ന buzz എന്ന ബട്ടണില്‍ ക്ലിക്ക് ചെയ്‌താല്‍ ഈ സേവനം പ്രയോജനപെടുതാം.

ഇന്റെര്‍നെറ്റിലൂടെ പുതിയ ആളുകളെ പരിച്ചയപെടുക, അവരുമായി ഫോട്ടോ ഷെയര്‍ ചെയ്യുക,വല്ലപ്പഴും മിസ്സ്‌ യു സ്ക്രാപ്പ് അയച്ചു സാന്നിധ്യം അറിയിക്കുക, നല്ല 'കിളി' കളെ കണ്ടാല്‍ പിന്നാലെ കൂടി മറുപടിക്കായി തൊള്ളായിരത്തി തൊണ്ണൂറ്റി അമ്പതു പ്രാവശ്യവും ഓര്‍ക്കുട്ടില്‍ കയറുക... തുടങ്ങി ത്യാഗങ്ങള്‍ ചെയ്യുന്ന മലയാളി മനസ്സുകള്‍ ഒരു പക്ഷെ ഗൂഗിള്‍ വായിചിട്ടുണ്ടാവാം... അതല്ലെങ്കില്‍ ഓര്‍ക്കുട്ട് പോലെ ജിമെയില്‍ ഇല്‍ ഇങ്ങനെ ഒരു പരിഷ്കരണം കൊണ്ട് വരേണ്ട ആവശ്യം എന്ത്‌? ... ഏതായാലും സംഗതി സൂപ്പര്‍ ,
പേരുകേട്ട ഗൂഗിള്‍ തറവാട്ടില്‍ നിന്നാണ് ജന്മമെങ്കിലും buzz ഓര്‍കുട്ടിനെ പോലെ അത്ര സോഫ്റ്റ്‌ അല്ലെ, ഓര്‍ക്കുട്ടില്‍ നമുക്ക് വന്ന സ്ക്രപുകള്‍ വായിച്ചു പാര പണിയുന്ന സുഹ്ര്തുക്കള്‍ എന്നും ക്ലാസ്സ്‌ മേറ്റ്സ് എന്നും ഓമനപേരില്‍ അറിയപെടുന്ന അലവലാതികല്‍ക്കിനി അടങ്ങിയിരിക്കാം, പ്രൈവറ്റ് മെസ്സേജ് മാത്രമേ ഉള്ളൂ.. ഓര്‍കുട്ടുമായി മുട്ടിച്ചു നോക്കുമ്പോള്‍ പുതു മുഖം നമുക്ക് കൂടുല്‍ സുഹ്ര്തുക്കള നല്കാനിടയുണ്ട് കാരണം ഓര്‍ക്കുട്ട് ഇന്ത്യയിലും ബ്രസീലിലും മാത്രം ഒതുങ്ങുമ്പോള്‍ buzz ലോകം മുഴുവനും ലഭിക്കുന്നു. പുതിയ സേവനത്തില്‍ കാണുന്ന സെര്‍ച്ച്‌ ബട്ടണില്‍ ക്ലിക്ക് ചെയ്തു ഈ സേവനം ഉപയോഗപെടുതാവുന്നതാണ്.

അതേസമയം വായില്‍ തോന്നിയതെന്തും അപ്പാടെ വിളിച്ചുപറഞ്ഞു കിട്ടുന്നതും വാങ്ങിച്ചു ഞെളിഞ്ഞിരിക്കുന്ന ബ്ലോഗ്ഗെര്‍മാര്‍ക്കു ഒരു ഹാപ്പി ന്യൂസ്‌. വല്ലപ്പഴും ബ്ലോഗ്‌ തുറന്നു വായിക്കുന്ന സന്ദര്‍ശകര്‍ ലവരുടെ buzz ഇല്‍ താങ്കളുടെ ബ്ലോഗ്‌ അഡ്രസ്‌ നല്‍കി എന്നിരിക്കട്ടെ, ലതവര്‍ക്ക് ഒരു ഇ മെയില്‍ ആയി തന്നെ ലഭിക്കും ( അതല്ലെങ്കില്‍ അവരുടെ മെയിലില്‍ കാണുന്ന buzz ബട്ടണില്‍ ക്ലിക്ക് ചെയ്‌താല്‍ മതിയാകും ) മാത്രമല്ല അതേ സമയം തന്നെ കമാന്‍ഡ് നല്‍കാനും കഴിയും. പുതിയ കമാന്‍ഡ് വന്നാല്‍ പോപ്‌ ആയി പൊങ്ങി വരികയും ചെയ്യും.

ബ്ലോഗ്ഗെരിനു പുറമേ, flickr ,google reader , ട്വിറ്റെര്‍ ‍, തുടങ്ങിയ സൈറ്റുകളില്‍ നിന്നും stuff കള്‍ സ്വീകരിക്കാം.

പുതിയ കക്ഷിയെ അടുത്തറിയാന്‍ താഴെ കാണുന്ന വീഡിയോ കാണുക.

Continue Reading…

സ്റ്റാന്റ് എലോന്‍ പേജുകള്‍ .

ഗൂഗിള്‍ ബ്ലോഗ്ഗെരിന്റെ പരീക്ഷണ ശാലയായ ഗൂഗിള്‍ ബ്ലോഗ്ഗര്‍ ഇന്‍ ദ്രാഫ്ടില്‍ ഒരു പുതിയ കണ്ടു പിടുത്തം! - സ്റ്റാന്റ് എലോന്‍ പേജുകള്‍.

വളരെ സിമ്പിള്‍ ആയി പറഞ്ഞാല്‍ സ്വതന്ത്ര മായി കിടക്കുന്ന കുറച്ചു പേജുകള്‍ ആണ് സ്റ്റാന്റ് എലോന്‍ പേജുകള്‍ . അതായത് Blog Archive ( തിയ്യതി അനുസരിച്ച് പോസ്റ്റുകള്‍ ലിസ്റ്റ് ചെയ്യുന്ന രീതി) വില്‍ ഇത്തരം പേജുകള്‍ ഉള്‍പെടില്ല , അത് പോലെ Feed ഇലും ഇവ ലഭ്യമല്ല. പിന്നെ എന്തിനാ ഇത്തരം പേജുകള്‍ എന്നല്ലേ.. പറയാം,

താങ്കള്‍ക്ക് ഒരു Contact us, About Me,... തുടങ്ങിയ പേജുകള്‍ നിര്‍മിക്കണം എന്നിരിക്കട്ടെ, ഇവ മേല്‍ പറഞ്ഞ സ്ഥലങ്ങളില്‍ പ്രത്യക്ഷപെട്ടാല്‍ സന്ദര്‍ശകര്‍ക്ക് ബുദ്ധിമുട്ടുണ്ടാക്കും, അതല്ലെങ്കില്‍, കാലങ്ങള്‍ക്ക് ശേഷം താങ്കള്‍ ബ്ലോഗ്ഗില്‍ ഒരു പേജ് കൂടി ഉള്‍പെടുത്താന്‍ ഉദ്ദേശിച്ചു എന്നിരിക്കട്ടെ, ( ഉദാ : എന്‍റെ തിരഞ്ഞെടുക്ക പെട്ട ബ്ലോഗ്‌ പോസ്റ്റുകള്‍ ) എന്തു ചെയ്യണം? പുതിയ ഒരു പോസ്റ്റ്‌ തുടങ്ങി അതില്‍ കാര്യങ്ങള്‍ എഴുതി മെയിന്‍ പേജില്‍ ഒരു ലിങ്ക് കൊടുത്താല്‍ മതിയല്ലേ.. പക്ഷെ താങ്കളുടെ ഈ പോസ്റ്റ്‌ ഇ മെയില്‍ വഴി Subscribe ചെയ്തവര്‍ക്ക് ലഭിക്കും, പക്ഷെ ഇതൊരു പുതിയ പോസ്റ്റ്‌ അല്ലാത്തത് കൊണ്ട് അവരെ അറിയിക്കേണ്ട ആവശ്യവുമില്ല. ഇവിടെ സ്റ്റാന്റ് എലോന്‍ പേജുകള്‍ താങ്കള്‍ക്കു ഉപയോഗിക്കാം, ( ശ്രദ്ധിക്കുക : ബ്ലോഗ്‌ വെബ്സൈറ്റ് ആയി ഉപയോഗിക്കുന്നവര്‍ക്ക് സ്റ്റാന്റ് എലോന്‍ പേജുകള്‍ കൂടുതല്‍ ഉപകാരപെടും)

സ്റ്റാന്റ് എലോന്‍ പേജുകള്‍ എങ്ങനെ ബ്ലോഗില്‍ കൂട്ടി ചേര്‍ക്കാം എന്ന് നോക്കാം.
ആദ്യമായി ബ്ലോഗ്ഗര്‍ ഇന്‍ ഡ്രാഫ്റ്റ്‌ എന്ന പേജില്‍ എത്തി ചേരുക, തുടര്‍ന്ന് ബ്ലോഗ്ഗിനു താഴെ കാണുന്ന എഡിറ്റ്‌ പോസ്റ്റ്‌ എന്നതില്‍ ക്ലിക്ക് ചെയ്യുക.


പിന്നീട് edit pages എന്ന ടാബില്‍ നിന്നും New page എന്ന ബട്ടണില്‍ ക്ലിക്ക് ചെയ്യുക.


ഇപ്പോള്‍ സാദാരണ ബ്ലോഗ്‌ എഴുതുന്നത്‌ പോലെ യുള്ള ഒരു പുതിയ ജാലകം തുറന്നു വരും, അവിടെ ആവശ്യമുള്ള കാര്യങ്ങള്‍ എഴുതി Publish page എന്ന ബട്ടണില്‍ ക്ലിക്ക് ചെയ്യുക. ഇപ്പോള്‍ താങ്കളുടെ ബ്ലോഗില്‍ പുതിയ പേജ് ലിങ്ക് പ്രത്യക്ഷപെട്ടിരിക്കും.
തുടക്കത്തില്‍ 10 സ്റ്റാന്റ് എലോന്‍ പേജുകള്‍ മാത്രമേ ഒരു ബ്ലോഗിന് ലഭിക്കൂ എന്ന കാര്യം കൂടി ഓര്‍മിപ്പിക്കട്ടെ. ഞാന്‍ നിര്‍മിച്ച ഒരു സ്റ്റാന്റ് എലോന്‍ പേജ് ഇവിടെ കാണാം.

Continue Reading…

ജി -മെയില്‍ :- ഡ്യൂപ്ലിക്കേറ്റ്‌ ഇ മെയിലുകള്‍ ഒഴിവാക്കാം

സുഹ്ര്‍ത്തു നല്‍കിയ ഇ-മെയില്‍ വിലാസം തെറ്റായി ടൈപ്പ് ചെയ്തത് കാരണം ഒരു പക്ഷെ നിങ്ങളുടെ contacts ഇല്‍ ഡ്യൂപ്ലിക്കേറ്റ്‌ മെയില്‍ സേവ് ആയിട്ടുണ്ടാവാം, ഇത്തരം വ്യാജന്മാര്‍ പിന്നീട് അതേ സുഹ്ര്ത്തിനു മെയില്‍ യെക്കേണ്ടി വരുമ്പോള്‍ കണ്‍ഫ്യുഷനുണ്ടാക്കും, ഇവരെ കണ്ടെത്തി ഒഴിവാക്കാന്‍ ജി മെയിലില്‍ തന്നെ സൌകര്യമുള്ള കാര്യം പലര്‍ക്കും അറിയില്ല,

കഴിഞ്ഞ വര്ഷം ഗൂഗിള്‍ പ്രോഡക്റ്റ് മാനേജര്‍ Todd Jackson ഇത്തരം ഒരു ടൂളിനെ പറ്റി സൂചന നല്‍കിയിരുന്നു,ഒരു വര്‍ഷതിനടുത്ത കാത്തിരിപ്പ്‌ വേണ്ടി വന്നെങ്കിലും, വളരെ ഉപകര പ്രദമായ ഗൂഗിള്‍ contact manager എന്ന ടൂള്‍ പുറത്തിറങ്ങിയിരിക്കുന്നു

താഴെ കാണുന്ന ലിങ്കില്‍ ക്ലിക്ക് ചെയ്തു find duplicates എന്ന ബട്ടണ്‍ പ്രസ്‌ ചെയ്യുകയേ വേണ്ടു... വ്യാജന്മാരുടെ ഒരു നിരതന്നെ കാണാം.. പിന്നീടു Merge എന്നു ക്ലിക്ക് ചെയ്തു ഈ സേവനം പ്രയോജനപെടുതാം. ഈ സേവനം ജി മെയിലില്‍ പുതിയതാണെങ്കിലും Yahoo,Hotmail നേരത്തെ കൊണ്ട് വന്നിട്ടുള്ളതാകുന്നു.

Google contat manager

Continue Reading…

ഗൂഗിള്‍ ബ്രൌസര്‍ സൈസ്

വെബ്‌ സൈറ്റ്, ബ്ലോഗ്‌ തുടങ്ങിയവയുടെ വിജയം സന്ദര്‍ശകരുടെ എണ്ണത്തെ ആശ്രയിച്ചിരിക്കും എന്നറിയാത്തവര്‍ അല്ലെ ബ്ലോഗില്‍ വല്ലതും കുത്തിക്കുറിച്ചു കമന്റ്‌ നു വാ പൊളിച്ചിരിക്കുന്ന ബൂലോക നിവാസികള്‍ എന്നറിയാം, അവരുടെ അറിവിലേക്കായി ഗൂഗിള്‍ ബ്രൌസര്‍ സൈസ് എന്ന ടൂളിനെ പരിചയ പെടുത്താനാണ് ഈ പോസ്റ്റ്‌,

നിങ്ങളുടെ ബ്ലോഗ്‌ സന്ദര്‍ശിക്കുന്നവര്‍ ഉപയോഗിക്കുന്ന ബ്രൌസര്‍,സന്ദര്‍ശന സമയം,.... തുടങ്ങി അതി സങ്കീര്‍ണമായി വിവരങ്ങള്‍ പോലും ഗൂഗിള്‍ analytic നിങ്ങള്‍ക്ക് തരുമായിരിക്കും പക്ഷെ അവരുപയോഗിക്കുന്ന ബ്രൌസര്‍ സൈസ് ഗ്രാഫില്‍ വരച്ചു തരുന്നത് ഗൂഗിള്‍ ബ്രൌസര്‍ സൈസ് മാത്രം!

ഉദാഹരണം: 99% എന്നാല്‍ ബ്ലോഗ്‌ സന്ദര്‍ശകരില്‍ 99% പേരും പേജ്ന്റെ ആ ഭാഗം കാണുന്നുണ്ട് എന്നതാണ്. ഈ ടൂള്‍ കൊണ്ട് എന്തു പ്രയോജനം എന്ന് ചിലപ്പോള്‍ തോന്നിയേക്കാം...

ചില വെബ്‌ സൈറ്റുകളില്‍ contact us താഴെയോ വലത്തേ അറ്റത്തോ കാണാം. ഭൂരിഭാഗം പേരും അത് കാണാതെ പോയേക്കാം. ബ്രൌസര്‍ സൈസ് ഉപയോഗിച്ച് contact us നു പറ്റിയ സ്ഥലം തീരുമാനിക്കാം.

നിങ്ങളുടെ ബ്ലോഗില്‍ പരസ്യങ്ങള്‍ പ്രദര്‍ശിപ്പിക്കുമ്പോള്‍ സന്ദര്‍ശകരില്‍ എത്രപേര്‍ അത് കാണുന്നുണ്ട്? നിങ്ങള്‍ മറ്റൊരു സൈറ്റില്‍ പരസ്യം കൊടുക്കുമ്പോള്‍ പരസ്യം കിടക്കുന്ന ഭാഗം സന്ദര്‍ശകര്‍ക്ക് സുഗമമായി കാണാന്‍ സാധിക്കുന്നുണ്ടോ ? തുടങ്ങിയ സംശയങ്ങള്‍ക്കുള്ള മറുപടി ഗൂഗിള്‍ ബ്രൌസേരിനു അറിയാം.

ബ്രൌസര്‍ സൈസ് ഉപയോഗിക്കാന്‍ താഴെ കാണുന്ന ലിങ്കില്‍ ക്ലിക്ക് ചെയ്യുക.
Google Browser സൈസ്

ഒരു ക്ഷമാപണം
കുറെ കാലത്തിനു ലൈവ് മലയാളം ബ്ലോഗ്‌ അടച്ചിടെണ്ടി വന്നതില്‍ ബൂലോക നിവാസികളോട് ക്ഷമ ചോദിച്ചു കൊള്ളുന്നു!!!

Continue Reading…

ഗൂഗിള്‍ ടാല്കിലൂടെ ജോലി തേടാം!

ഇന്റര്‍നെറ്റിലൂടെ ജോലി തേടണമെങ്കില്‍ എന്തല്ലാം വേണം .. ജോബ്‌ സൈറ്റുകളില്‍ രജിസ്റ്റര്‍ ചെയ്യണം പിന്നീട് ഇടയ്ക്കിടയ്ക്ക് മെയില് നോക്കണം ... ഇതിനൊക്കെ എവിടെയാ സമയം ( ജോലി ഇല്ലാതെ നാട്ടില്‍ തേരാ പാര നടക്കുന്നവനും ഒരു ദിവസത്തിന്റെ ഇരുപത്തിനാലു മണിക്കൂര്‍ തികയുന്നില്ല, കാണാന്‍ കൊള്ളാവുന്ന പെണ്‍ പിള്ളേരെ കണ്ടാല്‍ വാ നോക്കാന്‍ തന്നെ വേണം അര ദിവസം!)

സമയത്തിനു ഇത്രമാത്രം വില ഉണ്ടെന്നു മനസ്സിലാക്കിയത് കൊണ്ടാവണം naukari എന്ന ജോബ്‌ സൈറ്റ് ഗൂഗിള്‍ ടാല്കില്‍ ജോബ്‌ സെര്‍ച്ച്‌ ചെയ്യാനുള്ള സൌകര്യം കൊണ്ടുവന്നത് (വാ നോട്ടം ഇന്റെര്‍നെറ്റിലും ഭംഗിയായി കൊണ്ടു നടക്കുന്നവര്‍ ഉണ്ടാവുമല്ലോ, അത്തരക്കാരെ ചാക്കിലാക്കാന്‍ ഒരു സൂത്രം!)

ഏതായാലും ഈ സൌകര്യത്തിനായി ചെയ്യേണ്ടതിത്രമാത്രം , നിങ്ങളുടെ ഗൂഗിള്‍ ടോക്ക് അക്കൌണ്ടില്‍ ലോഗിന്‍ ചെയ്യുക എന്നിട്ട് Add എന്ന ബട്ടണില്‍ ക്ലിക്ക് ചെയ്തു jobs@chat.naukri.com എന്ന അഡ്രസ്‌ ടൈപ്പ് ചെയ്തു Next - Finish ക്ലിക്ക് ചെയ്യുക ഇപ്പോള്‍ താഴെ കാണുന്ന പോലെ ജോബ്സ് എന്ന പുതിയ contact കാണാം

(വലുതായി കാണാന്‍ ചിത്രത്തില്‍ ക്ലിക്ക് ചെയ്യുക)

ഇവിടെ ക്ലിക്ക് ചെയ്തു ജോബ്‌ സെര്‍ച്ച്‌ ചെയ്യാം! ( Mechanical engineer എന്ന് സെര്‍ച്ച്‌ ചെയ്തപ്പോഴുള്ള റിസള്‍ട്ട്‌ താഴെ കാണാം)

(വലുതായി കാണാന്‍ ചിത്രത്തില്‍ ക്ലിക്ക് ചെയ്യുക)

Continue Reading…

ഗൂഗിള്‍ ആഡ്‌സെന്‍സ്‌ പരസ്യങ്ങള്‍ മലയാളം ബ്ലോഗില്‍ കാണിക്കാന്‍ പുതിയ ട്രിക്ക്

ഗൂഗിള്‍ ആഡ്‌സെന്‍സ്‌ മലയാളം ബ്ലോഗുകളിലും സൈറ്റുകളില്‍ ഉള്പെടുതാനുള്ള ഒരു ടിപ്സ് ഞാന്‍ നേരെത്തെ പറഞ്ഞു തന്നിരുന്നുവല്ലോ , പക്ഷെ എന്തു ചെയ്യാം ഒരാഴ്ച്ചയെ അതിന് ആയുസ്സുണ്ടായിരുന്നുള്ളൂ ഗൂഗിള്‍ അതും കണ്ടു പിടിച്ചെടുത്തു കളഞ്ഞു , എങ്കിലും നിരാശ വേണ്ട , ഒരു പുതിയ ട്രിക്ക് വിവരിക്കാം ( 13 നു പബ്ലിഷ് ചെയ്യണം എന്നായിരുന്നു കരുതിയിരുന്നത്, ചില സാങ്കേതിക കാരണങ്ങളാല്‍ അതിന് കഴിഞ്ഞില്ല, ബൂലോകരെ മാപ്പു !)

ആദ്യമായി ഒരു പുതിയ ബ്ലോഗ് തുടങ്ങുക, ഈ ബ്ലോഗിനെ നമുക്കു ബ്ലോഗ് 1 എന്ന് വിളിക്കാം എന്നിട്ടതില്‍ എന്തിനെ കുറച്ചുള്ള പരസ്യങ്ങലാണോ നിങ്ങളുടെ ഒറിജിനല്‍മലയാളം ബ്ലോഗില്‍ കാണിക്കേണ്ടത് അതിനെ കുറച്ചു ഇംഗ്ലീഷില്‍ വിവരിക്കുക, ഉദാഹരണം നിങ്ങളുടെ നിലവിലുള്ള മലയാളം ബ്ലോഗ് കേരളത്തെ കുറിച്ചാണ് എന്നിരിക്കട്ടെ പുതിയ ഒരു ബ്ലോഗ് തുടങ്ങി കേരളത്തിന്റെ കാലാവസ്ഥയും മറ്റും വിവരിക്കുഅക, ഇംഗ്ലീഷില്‍ ആയിരിക്കണം കേട്ടോ, ( ചുമ്മാ വിക്കി പീടിയ യില്‍ നിന്നടിച്ചു മാറ്റിയാ മതി! അവരു ചോദിക്കാനൊന്നും വരില്ലല്ലോ , ഇനി വന്നാല്‍ തന്നെ ഈ എന്നെ അങ്ങ് മറന്നെക്കണേ പ്ലീസ് !)


ഇനി ബ്ലോഗ് 1 nte Layout ഇല്‍ എത്തിച്ചേരുക, ഇവിടെ നിന്നും Pick a new template എന്നതില്‍ ക്ലിക്ക് ചെയ്തു ഏറ്റവും താഴെ യുള്ള simple II എന്ന ടെമ്പ്ലേറ്റ് തിരഞ്ഞെടുത്തു സേവ് ചെയ്യുക , തുടര്‍ന്ന് edit html എന്നതില്‍ ക്ലിക്ക് ചെയ്തു താഴെ കാണുന്ന കോഡ് സെര്‍ച്ച്‌ ചെയ്യുക ഇവിടെ 3em എന്നത് 0em എന്നാക്കി സേവ് ചെയ്യുക.

margin-$startSide: 3em;


ഇനി നിങ്ങളുടെ blog1 ന്റെ layout എന്നതില്‍ ക്ലിക്ക് ചെയ്തു add gadget എന്നതില്‍ ക്ലിക്ക് ചെയ്യുക എന്നിട്ട് ഒരു പുതിയ ആഡ്‌സെന്‍സ്‌ gadget ആഡ് ചെയ്യുക.

വീണ്ടു പുതിയ ഒരു ബ്ലോഗ് ഇണ്ടാക്കി മുകളില്‍ പറഞ്ഞ പോലെ 3em എന്നത് മാറ്റി 0em എന്നാക്കി മാറ്റുന്നത്‌ വരെ ഉള്ള പ്രവര്‍ത്തനം ആവര്‍ത്തിക്കുക , ഈ ബ്ലോഗിനെ നമുക്കു ബ്ലോഗ് 2 എന്ന് വിളിക്കാം ഇപ്പോള്‍ ഒരേ പോലെ യുള്ള രണ്ടു ബ്ലോഗുകള്‍ കിട്ടി blog1 and ബ്ലോഗ് 2 ഇനി രണ്ടു ബ്ലോഗിന്റെയും nav bar ഒഴിവാക്കുക, ( nav bar ഒഴിവാക്കുന്നതിനെ കുറിച്ചു അറിയാന്‍ ഇവിടെ ക്ലിക്ക്ചെയ്യുക )

ഇനി ബ്ലോഗ് 2 വിന്റെ layout എന്നതില്‍ നിന്നും add a gadget ഇല്‍ ക്ലിക്ക് ചെയ്യുക തുടര്‍ന്ന് html/java script എന്നതില്‍ ക്ലിക്ക് ചെയ്യുക, ഇവിടെ താഴെയുള്ള കോഡ് കോപ്പി ചെയ്യുക. കോഡില്‍ http://yournewblogdomain.blogspot.com/ എന്ന ഭാഗം ഒഴിവാക്കുക പകരം ബ്ലോഗ് 1 ന്റെ അഡ്രസ്‌ കൂട്ടി ചെറുക്കുക , ഇനി സേവ് ചെയ്യുക
<iframe scrolling="no" width="100%" frameborder="0" src="http://yournewblogdomain.blogspot.com/?w=__UP_myWidth__" height="90"></iframe>

ഇനി നിങ്ങളുടെ മലയാളം ബ്ലോഗില്‍ എത്തിച്ചേരുക .

ഇവിടെ Layout-addgagdet-html/javasctipt എന്നിങ്ങനെ എത്തിച്ചേരുക എന്നിട്ട് മുകളിലെ കോഡില്‍ http://yournewblogdomain.blogspot.com/ എന്ന ഭാഗം മാറ്റി ബ്ലോഗ് 2 വിന്റെ address നല്കി സേവ് ചെയ്യുക ,

ഇനി നോക്കൂ നിങ്ങളുടെ മലയാളം ബ്ലോഗില്‍ ഗൂഗിള്‍ പരസ്യങ്ങള്‍ കാണാം
ആകെ കണ്‍ഫ്യൂഷന്‍ ആയല്ലേ!!! പണമുണ്ടാക്കുന്ന കാര്യമല്ലേ കുറച്ചൊക്കെ മേനെക്കേട്‌ വേണ്ടി വരും ....!

ഓ പിന്നെ ഒരു കാര്യം , അനുഭവത്തിന്റെ വെളിച്ചത്തില്‍ പറയുവാ ... പരസ്യങ്ങളില്‍ ക്ലിക്ക് ചെയ്യുന്നതിനനുസരിച്ചാണ് ഗൂഗിള്‍ പണം തരിക എന്നറിയാമല്ലോ ... മലയാളത്തില്‍ ഒരു ബ്ലോഗ് ഉണ്ടാക്കി അതില്‍നിന്നും കോടീശ്വരന്‍ ആവാം എന്നാരും കരുതണ്ട മലയാളികള്‍ ക്ലിക്ക് ചെയ്യാന്‍ കുറച്ചു പാടാ...! എങ്കിലും travel,chemical എന്നിങ്ങനെ യുള്ള പരസ്യങ്ങള്‍ക്കെ കൂടുതല്‍ കാശുകിട്ടൂ എന്ന കാര്യം കൂടി പറഞ്ഞോട്ടെ ,

Continue Reading…

അയച്ച ഇ മെയിലില്‍ മാറ്റങ്ങള്‍ വരുത്താന്‍ ഒരവസരം

നിങ്ങള്‍ ഒരു ഇ മെയില് അയക്കുവാന്‍ വേണ്ടി send എന്ന ബട്ടണ്‍ ക്ലിക്ക് ചെയ്ത ഉടനെയാണ് പഴയ ഫോണ്‍ നമ്പര്‍ ആണ് അയച്ചിരിക്കുന്നത് എന്ന് ഓര്‍മ വന്നത് , ഇനി എന്ത് ചെയ്യും ? വേറെ ഒരു മെയില് അയക്കും അല്ലാതെ എന്ത് ചെയ്യാന്‍!

ഇത്തരം അബദ്ധങ്ങള്‍ പലര്ക്കും പറ്റിയിട്ടുണ്ടാവും, സുഹ്ര്‍ത്തുക്കള്‍ തമ്മില്‍ ആണെങ്കില്‍ കുഴപ്പമില്ല വേറെ ഒരു ഇ മെയില് അയച്ചു പ്രശ്നം പരിഹരിക്കാം , എന്നാല്‍ ഒരു ജോലിക്കുവേണ്ടി CV അയക്കുന്ന മെയില് ആണെങ്കിലോ? അയച്ചു കഴിഞ്ഞാല്‍ മറ്റൊരു മെയില് കൊണ്ടു പരിഹരിക്കാന്‍ പറ്റുമോ ? ഇനി അഥവാ അതിന് ശ്രമിച്ചാല്‍ ഒരു പക്ഷെ നിങ്ങളുടെ അശ്രദ്ധ ചൂണ്ടി കാണിച്ചു ആ ജോലി നഷ്ടപെട്ടെക്കാം.

ഇത്തരം അബദ്ധം പിണയുന്നത് സര്‍വ സാധാരണയായത്‌ കൊണ്ടു ഗൂഗിള്‍ അവരുടെ മെയില് സര്‍വീസ് ആയ ജിമെയില്‍ ഒരു പുതിയ ഓപ്ഷന്‍ കൊണ്ടു വന്നിട്ടുണ്ട്, Undo Send എന്ന ഈ ജിമെയില്‍ സെറ്റിങ്ങ്സ് enable ചെയ്‌താല്‍ മെയില്‍ അയച്ചിട്ടും അഞ്ചു മിനിട്ട് നേരത്തേക്ക് Undo എന്ന ഒരു ബട്ടണ്‍ പ്രത്യക്ഷപ്പെടും അതില്‍ ക്ലിക്ക് ചെയ്‌താല്‍ മെയിലില്‍ മാറ്റങ്ങള്‍ വരുത്തി വീണ്ടും അയക്കാം..

ഈ ഓപ്ഷന്‍ ലഭിക്കാനായി ആദ്യം ഇവിടെ എത്തിച്ചേരുക.

എന്നിട്ട് Undo send എന്ന option നേരെ കാണുന്ന ഇനേബിള്‍ എന്നതില്‍ ക്ലിക്ക് ചെയ്യുക.

ഇനി ഇ മെയില്‍ അയച്ചു നോക്കൂ .. താഴെ കാണുന്ന പോലെ ഒരു ഓപ്ഷന്‍ കിട്ടും ഇവിടെ നിന്നും Undo എന്നതില്‍ ക്ലിക്ക് ചെയ്‌താല്‍ മെയില്‍ മാറ്റം വരുത്താം !

Continue Reading…

മോസില്ല ഫയര്‍ ഫോക്സില്‍ പത്രങ്ങള്‍ വായിക്കാന്‍

സാധാരണ അവസ്ഥയില്‍ മനോരമ,മാധ്യമം,... തുടങ്ങിയ പത്രങ്ങള്‍ മോസില്ല ഫയര്‍ഫോക്സില്‍ വായിക്കാന്‍ സാധ്യമല്ല, എന്നാല്‍ ചില മിനുക്കുപണികള്‍ നടത്തിയാല്‍ മോസീല്ലയിലും പത്രങ്ങള്‍ വായിക്കാം, ഇതിനായി ചെയ്യേണ്ടത് ഇത്ര മാത്രം

1. ആദ്യമായി ചെയ്യേണ്ടത് Anjali Old Lipi ഫോണ്ട് ഇന്‍സ്റ്റോള്‍ ചെയ്യുകയാണ്.
2. ഇനി ഇവിടെ ക്ലിക്ക് ചെയ്ത് Padma എന്ന ഫയര്‍ ഫോക്സ് Extention ഡൌണ്ലോഡ് ചെയ്തു ഇന്‍സ്റ്റോള്‍ ചെയ്യുക.
3. ഇനി ഫയര്‍ഫോക്സില്‍ Tools എന്നതില്‍ ക്ലിക്ക് ചെയ്തു Options തുറക്കുക, ഇവിടെ Content എന്ന ടാബില്‍ Default font എന്നത് anjali OldLipi എന്നാക്കി മാറ്റുക.
4. ഇനി ഫയര്‍ ഫോക്സ് റീ സ്റ്റാര്‍ട്ട് ചെയ്തു നോക്കൂ .... എല്ലാ പത്രങ്ങളും വായിക്കാം !

ഗൂഗിളില്‍ നിന്നും നോട്ടീസ് ബോര്‍ഡ് എന്ന കഴിഞ്ഞ പോസ്റ്റില്‍ കുഞ്ഞിക്കുട്ടന്‍ എന്ന ബ്ലോഗ്ഗര്‍ ആവശ്യപെട്ടതിനാലാണ് ഈ പോസ്റ്റ്. പലര്‍ക്കും ഉപകാരപ്പെടുമെന്ന് കരുതുന്നു

Continue Reading…

ഗൂഗിളില്‍ നിന്നും നോട്ടീസ് ബോര്‍ഡ്!

തിരഞ്ഞെടുപ്പ് കാലമല്ലേ, മാന്ദ്യം കാരണം നോട്ടീസ് അടിക്കനോക്കെ ഇപ്പൊ എന്തൊരു ബുദ്ധിമുട്ടാ... ഗൂഗിള്‍ എല്ലാം മനസ്സിലാക്കുന്നുന്ടെന്നു തോന്നുന്നു , അത് കൊണ്ടായിരിക്കണം ഗൂഗിള്‍ നോട്ടീസ് ബോര്‍ഡ് എന്നാ സോഫ്റ്റ്വെയര്‍ പണിപ്പുരയിലാണു ഗൂഗിള്‍.


നോട്ടീസ് അടിച്ചു പ്രിന്റെടുക്കാന്‍ സഹായിക്കുന്ന ടൂളാണ് ഗൂഗിള്‍ നോട്ടീസ് ബോര്‍ഡ് എന്ന് കരുതിയെങ്കില്‍ തെറ്റി! നിങ്ങള്ക്ക് പെട്ടെന്നൊരു സന്ദേശം അയക്കണമെന്ന് തോന്നിയപ്പോള്‍ ലാപ്ടോപില്‍ ബാറ്ററി ഏകദേശം തീര്‍ന്നിരിക്കുന്നുവെന്നു കരുതുക.. ഇനി മെയില്‍ ബോക്സ് തുറന്നു ഇ മെയില്‍ അയക്കുന്നതിനു മുന്‍പേ ലാപ്ടോപ് ഗുഡ് ബൈ പറഞ്ഞിട്ടുണ്ടാവും, ഇനി എന്ത് ചെയ്യും ? ഇവിടെയാണ്‌ ഗൂഗിള്‍ നോട്ടീസ് ബോര്‍ഡിന്റെ പ്രസക്തി, ബ്രൌസെറിനു താഴെ കാണുന്ന ഐകണില്‍ ക്ലിക്ക് ചെയ്തു സന്ദേശങ്ങള്‍ കുറഞ്ഞ സമയത്തിനകം അയക്കാം എന്നതാണ് ഇതിന്റെ പ്രത്യേകത.


Public digital notice board എന്ന് ഗൂഗിള്‍ സ്വയം വിശേഷിപ്പിക്കുന്ന ഈ സൌജന്യ സോഫ്റ്റ്വയര്‍ ഒരു ഫയര്‍ ഫോക്സ് എക്സ്ടെന്ഷനാണ് മാത്രമല്ല ഇപ്പോള്‍ ലാബ്സ് എഡിഷന്‍ ആയി മാത്രമേ ലഭിക്കൂ. http://dl.google.com/noticeboard/noticeboard.xpi എന്ന വെബ്സൈറ്റില്‍ നിന്നും ഗൂഗിള്‍ നോട്ടീസ് ബോര്‍ഡ് ഡൌണ്‍ലോഡ് ചെയ്തെടുക്കാം പിന്നീട് ഫയര്‍ഫോക്സ് ബ്രൌസറില്‍ ( ഫയര്‍ ഫോക്സ് 3 ) യില്‍ ഓപ്പണ്‍ ചെയ്തു ഇന്‍സ്റ്റോള്‍ ചെയ്യാം, ഇന്‍സ്റ്റോള്‍ ചെയ്തു കഴിഞ്ഞാല്‍ ബ്രൌസര്‍ റീ സ്റ്റാര്‍ട്ട് ചെയ്യണം തുടര്‍ന്ന് ബ്രൌസേരില്‍ താഴെ വലതുഭാഗത്ത്‌ കാണുന്ന ഗൂഗിള്‍ ചിഹ്നത്തില്‍ ക്ലിക്ക് ചെയ്തു ഗൂഗിള്‍ നോട്ടീസ് ബോര്‍ഡിലേക്ക് പ്രവേശിക്കാം. തുടര്‍ന്ന് ഇ മെയില്‍ അഡ്രസ്സും പാസ് വേര്‍ഡും നല്‍കിയതിനു ശേഷം ഭാഷയും തിരഞ്ഞെടുക്കാം ( മലയാളത്തിനു പുറമേ ഇംഗ്ലീഷ്, ഹിന്ദി, ഗുജറാത്തി,തമിഴ്.. എന്നിങ്ങനെ ഒന്‍പതു ഭാഷകള്‍ ലഭ്യമാണ്). ശബ്ദം റെക്കോര്‍ഡ് ചെയ്തും ( voice message) , ടൈപ്പ് ചെയ്തും സന്ദേശങ്ങള്‍ അയക്കാം.

കൂടുതല്‍ സഹായത്തിനു സന്ദര്‍ശിക്കുക:
http://dl.google.com/noticeboard/noticeboard-userguide.pdf

Continue Reading…

ഒരു ബ്ലോഗ്ഗെര്‍ക്ക് ഉപകാരപെടുന്ന പത്തു വെബ് സൈറ്റുകള്‍

Feed burner ബ്ലോഗ് സന്ദര്‍ശകര്‍ക്ക് ഇ മെയില് വഴി ബ്ലോഗ് പോസ്റ്റുകള്‍ എത്തിക്കുന്നു കൂടാതെ ബ്ലോഗ് സന്ദര്‍ശകരുടെ എണ്ണം , വന്ന സമയം , ഉപയോഗിച്ച സമയം എന്നിവയെ കുറിച്ചുള്ള വ്യക്തമായ വിവരങ്ങള്‍ നല്കുന്നു. ഇ മെയില് വഴി മെയിലുകള്‍ ലഭിക്കുന്നതിനു ലോകത്ത് ഏറ്റവും കൂടുതല്‍ ആളുകള്‍ ആശ്രയിക്കുന്നത് ഫീഡ് ബേണര്‍ ആണ് .



3Jam നിങ്ങളുടെ ബ്ലോഗ് സന്ദര്‍ശകരില്‍ നിന്നും SMS സ്വീകരിക്കാന്‍ സഹായിക്കുന്നു ( നിങ്ങളുടെ ഫോണ്‍ നമ്പര്‍ പരസ്യപെടുകയില്ല)


Google talk status ബ്ലോഗ് ഉടമസ്ഥന്‍ ഗൂഗിള്‍ ടാല്കില്‍ ഓണ്‍ലൈന്‍ ആണോ എന്ന് ബ്ലോഗില്‍ കാണിക്കുന്നു. ബ്ലോഗ് സന്ദര്‍ശകര്‍ക്ക് ജിമെയില്‍ ഐ ഡി ഇല്ലെങ്കില്‍ പോലും ബ്ലോഗ് ഉടമസ്ഥനുമായി ചാറ്റ് ചെയ്യാന്‍ സാധിക്കുമെന്നതാണ് ഇതിന്‍റെ സവിശേഷത.


Flickr Flash Photo Stream Badge നിങ്ങളുടെ ഫ്ലിക്കര്‍ അക്കൌണ്ടിലുള്ള ഫോട്ടോകള്‍ ആനിമേഷനോട് കൂടി ബ്ലോഗില്‍ കാണിക്കുന്നു.


3Jam നിങ്ങളുടെ ബ്ലോഗ് സന്ദര്‍ശകരില്‍ നിന്നും SMS സ്വീകരിക്കാന്‍ സഹായിക്കുന്നു ( നിങ്ങളുടെ ഫോണ്‍ നമ്പര്‍ പരസ്യപെടുകയില്ല)


iBegin Weather Widget കാലാവസ്ഥാ വിവരങ്ങള്‍ ബ്ലോഗില്‍ കാണിക്കുന്നു.


ClockLink വിവിധ രാജ്യങ്ങളിലെ സമയങ്ങള്‍ ബ്ലോഗില്‍ കാണിക്കാന്‍ സഹായിക്കുന്നു. ഒരു ലക്ഷത്തില്‍ പരം ബ്ലോഗുകള്‍ ക്ലോക്ക് ലിങ്ക് സേവനം ഉപയോഗപെടുത്തുന്നു.


Daily Painters പ്രശസ്തരായ ചിത്ര കാരന്മാരുടെ ചിത്രങ്ങള്‍ നിങ്ങളുടെ ബ്ലോഗില്‍ കാണിക്കുന്നു.ഓരോ ദിവസവും ഓരോ ചിത്രങ്ങള്‍ സ്വയം അപ്ഡേറ്റ് ചെയ്തു കൊണ്ടിരിക്കും.

Criteo AutoRoll നിങ്ങളുടെ ബ്ലോഗിന് സമാനമായ ബ്ലോഗുകള്‍ കാണിക്കുന്നു ( മലയാള ബ്ലോഗുകള്‍ക്ക് വ്യക്തമായ ഫലം കാണണം എന്നില്ല).

Google webmaster നിങ്ങളുടെ ബ്ലോഗ് ഗൂഗിള്‍ സെര്‍ച്ച് ഫലങ്ങളില്‍ കാണിക്കാന്‍ ഇവിടെയുള്ള നിരവധി ടൂളുകള്‍ പ്രയോജനപെടുതാം

Pr checker ബ്ലോഗിന് ഗൂഗിള്‍ നല്‍കിയിരിക്കുന്ന പേജ് റാങ്ക് കാണിക്കുന്നു. ( ഇതു ഗൂഗിള്‍ ഒഫീഷ്യല്‍ സേവനമല്ല).

Continue Reading…

ഇന്റര്‍നെറ്റിലൂടെ പണമുണ്ടാക്കാം !

ഹെഡിംഗ് വായിച്ച ഒട്ടു മിക്ക പേരുടേയും മനസ്സില്‍ Google adsense ആയിരിക്കും ഓടി വരിക എന്നെനിക്കറിയാം, കാരണം ഗൂഗിള്‍ ആഡ്‌സെന്‍സ്‌ പരീക്ഷിച്ചു സേവന പരസ്യങ്ങളല്ലാതെ മറ്റൊന്നും കാണാഞ്ഞിട്ട് നിരാശനായ ഒരു മലയാളം ബ്ലോഗ്ഗെരുടെ ദു:ഖം എനിക്ക് മനസ്സിലാവും , ഗൂഗിള്‍ ആഡ്‌സെന്‍സ്‌ മലയാളം ബ്ലോഗുകളില്‍ ലഭ്യമാവാന്‍ ചെയ്യേണ്ട ചില കാര്യങ്ങള്‍ ചുവടെ.

1. നിങ്ങളുടെ ഗൂഗിള്‍ ആഡ്‌സെന്‍സ്‌ അക്കൌന്റ് തടഞ്ഞു വെച്ചിട്ടില്ലെന്നു ഉറപ്പു വരുത്തുക, അതിനായി Google Adsense ഇല്‍ ലോഗിന്‍ ചെയ്തു നോക്കുക.
2. ഇംഗ്ലീഷ് വാക്കുകള്‍ ഉള്‍കൊള്ളുന്ന പുതിയ ഒരു ബ്ലോഗ് ഉണ്ടാക്കുക.വാക്കുകള്‍ക്കിടയില്‍ '_' എന്ന സിമ്പോള്‍ കൊടുക്കുക (ഉദാ: kerala_tourism_india_travel.blogspot.com). Travel,Chemical പരസ്യങ്ങള്‍ക്ക് കൂടുതല്‍ പണം ലഭിക്കും എന്ന് മനസ്സിലാക്കുക.
   
3. പുതുതായി ഉണ്ടാക്കിയ ബ്ലോഗിലേക്ക് ആളുകളെ ആകര്‍ഷിക്കാന്‍ വേണ്ടി എന്ഗ്ലിഷില്‍ നിരവധി പോസ്റ്റുകള്‍ നല്കുക. ( ഒറ്റ ദിവസം കൊണ്ടു ഒരുപാടു പോസ്റ്റുകള്‍ കൊണ്ടു കാര്യമില്ല.. ഒന്നോ രണ്ടോ മാസം ക്ഷമിക്കുക)
   
4. പിന്നീട് ഗൂഗിള്‍ ആഡ്‌സെന്‍സ്‌ പരസ്യങ്ങള്‍ ബ്ലോഗിലേക്ക് കൂട്ടി ചേര്‍ക്കുക, രണ്ടാഴ്ചക്കു ശേഷം നിങ്ങളുടെ ബ്ലോഗിന്റെ Settings>publishing> എന്നിടത്ത് ബ്ലോഗ് അഡ്രസ്സ് മാറാവുന്നതാണ്.
5. ഇനി നിലവിലെ മലയാളം ബ്ലോഗിലെ പോസ്റ്റുകള്‍ പുതിയ ബ്ലോഗിലേക്ക് ഇമ്പോര്‍ട്ട് ചെയ്‌താല്‍ നിങ്ങളുടെ മലയാളം ബ്ലോഗിലും ഗൂഗിള്‍ ആഡ്‌സെന്‍സ്‌ ഉപയോഗിക്കാം.

നിലവിലെ ബ്ലോഗ് ഒഴിവാക്കി ഗൂഗിള്‍ ആഡ്‌സെന്‍സ്‌ ചെയ്യുക ബുദ്ധിമുട്ടാണെന്ന് തോന്നുന്നവര്‍ക്ക് ഗൂഗിളിന്റെ ആഡ്‌സെന്‍സ്‌ സെര്‍ച്ച് ബോക്സ് കൊടുക്കാം അല്ലെങ്കില്‍ മറ്റു ചില പരസ്യ നെറ്റ്വര്‍ക്ക് കള്‍ നല്കുന്ന പരസ്യങ്ങള്‍ ഉപയോഗിക്കാം. അവയില്‍ ചിലത് താഴെ കൊടുക്കുന്നു.


shaadi.com എന്ന വിവാഹ സൈറ്റില്‍ രജിസ്റ്റര്‍ ചെയ്‌താല്‍ അവരുടെ പരസ്യങ്ങള്‍ നിങ്ങള്ക്ക് ബ്ലോഗില്‍ കാണിക്കാം. ഒരു പ്രോഫിലിനു INR 25/- കിട്ടുമെന്നതാണ് ഇതിന്റെ പ്രത്യേകത.
ശാദി യുടെ പരസ്യങ്ങള്‍ക്കായി ഇവിടെ ക്ലിക്ക് ചെയ്യുക.


മറ്റൊരു സമാന വിവാഹ പരസ്യങ്ങള്‍ നല്കുന്ന സൈറ്റ് ആണ് matrimonialsindia.com സന്ദര്‍ശകര്‍ക്കനുസരിച്ച് 25% മുതല്‍ 50% വരെ കമ്മീഷന്‍ നല്കുന്നു വന്നതാണ് ഇതിന്റെ പ്രത്യേകത, നിങ്ങളുടെ ബ്ലോഗില്‍ കൂടുതല്‍ പേര്‍ സന്ദര്‍ശകര്‍ ഉണ്ടെങ്കില്‍ തീര്ച്ചയായും ഈ സൈറ്റ് വളരെ ഉപകാരപെടും.

ഇനി വിവാഹ പരസ്യങ്ങള്‍ അല്ലാതെ മറ്റു പരസ്യങ്ങള്‍ ആണ് വേണ്ടതെങ്കില്‍ komili.com എന്ന സൈറ്റ് ഉപയോഗിക്കാം. ഗൂഗിള്‍ പരസ്യങ്ങളുടെ അത്രയും പണം നല്‍കില്ലെങ്കിലും മാറ്റങ്ങള്‍ ഒന്നും വരുത്താതെ തന്നെ മലയാളം ബ്ലോഗില്‍ ഉപയോഗിക്കാം.

ക്ലിക്കുകള്‍ക്ക് പണം എന്നതിന് പകരം ഓരോ പ്രൊഫൈല്‍ നും പണം നല്കുന്ന മറ്റൊരു സൈറ്റ് ആണ് cj.കോം. യാഹൂ,സ്ക്യ്പേ... തുടങ്ങി നിരവധി വന്‍കിട കമ്പനികളുടെ പരസ്യങ്ങള്‍ നമുക്കു തന്നെ സെലക്റ്റ് ചെയ്തെടുക്കാം,



അനുഭവത്തില്‍ നിന്നു: ചിത്രങ്ങള്‍ അടങ്ങിയ പരസ്യങ്ങല്‍ക്കാന് കൂടുതല്‍ ക്ലിക്കുകള്‍ ലഭിക്കുക.

Continue Reading…